PINTANDO CON ARTE!!

Esta semana imos amosarvos a todos/as a ARTE que temos na nosa clase pintando!

Como ben sabedes estamos aprendendo cousiñas de Luis Seoane, esta semana tocounos pintar unha obriña deste afamado pintor. Son moitas as obras plásticas que podemos facer dado que temos un ábano de posibilidades moi amplo... pero seleccionamos á obra FIGURA ROSA  pintada en 1973.

O fixeron xenial, pintamos todos ao mesmo tempo, e as misturas de pinturas ían rotando polos diferentes equipos, a profe dirixiunos moito, dado que cada anaco do cadro tiña que ir nunha cor diferente! traballamos as tonalidades rosas, lilas, morados... e traballamos a reo toda a mañá despois do recreo as nosas obriñas xa estaban secas, e puxémonos a perfilar e interpretar as líneas que tiña o cadro orixinal: pelo, ollos, boca, nariz, a saia... pero se queredes velo máis polo míudo, premede no vídeo e desfrutade dos resultados!!



Cabe sinalar qué non sempre as actividades plásticas poden ser tan dirixidas... dado que en infantil é moi importante que o neno/a dé renda solta á súa imaxinación e creatividade, manipulando e experimentando cos materiais plásticos, sen que o adulto o dirixa e o coaccione. No seguinte vídeo pódese observar como eles pintan con gran habilidade as súas propias produccións artísticas! e tamén se pode ver como pintamos a paleta de cores que nos enviou a nai de Adri para facela na clase!

Esta semana contounos a súa biografía Tiago e a semana pasada o fixo Hugo Vila, ambos estaban moi entusiasmados contando cousiñas sobre eles, e durante uns minutos foron os auténticos protagonistas da nosa aula.

Tamén a profe LOLA quixo ser protagonista coma Tiago e Hugo! e decidíu contarnos un conto moi chulo: "La cueva del Dragón", o cal tiña uns animaliños que sobresaían do conto (coma se estivesen vivos!), pasamos un bo rato con ela! despois fixemos uns debuxiños.

Gracias profe Lola!

RECADIÑOS PARA AS FAMILIAS

O mércores 28 de novembro temos saída.

Lembrade que os sobres de plástico teñen que ser devoltos! sen as notas no interior, dado que iso confundeme e non sei seas leichedes ou non, retiradeas do sobre unha vez lidas. Graciñas.

Boa semana a todos/as!

20 de Novembro Día Internacional dos Dereitos do neno/a

Hoxe 20 de Novembro conmemorase o Día internacional dos Dereitos do neno/a.

 Na clase estivemos  falando de cales son os dereitos que todo neno/a debe de ter e ademáis das obrigas que ten que cumprir.

Algúns dos DEREITOS dos que falamos hoxe son, o dereito a...

• a igualdade.
• a ter un nome.
• a ter alimentación e vivenda.
• a ser queridos e protexidos.
• a poder ir á escola e xogar.
• a estar protexidos contra o abandono e a explotación no traballo.      

                       (...e outros máis)

Para festexar o día, a mestra agasallounos unhas tarxetas qué tivemos que colorear e as

levamos para casa.

A verdade e que foi moita casualidade... pero para celebrar o día de hoxe... tivemos CONTA CONTOS. Nada máis e nada menos qué... A DRAGONA RAMONA! veu a contarnos un conto a todos/as as nenos/as de infantil, qué ao longo da mañá fomos en diferentes quendas a escoitar as súas historias tan maravillosas e entretidas. 

IMOS DE EXCURSIÓN! e TEMOS UN COMPAÑEIRO NOVO!

Esta semana foi moi interesante, dado que realizamos a nosa primeira saída todos xuntos. Estábamos algo nerviosos pero emocionados! para algúns era a primeira vez que subían nun autobús, non fomos moi lonxe xa que pronto chegamos a área comercial.

O primeiro que fixemos foi... ir almorzar a unha cafetería uns churriños con chocolate (por iso de quentalo corpo antes!!) Qué non nos creedes pois premede no vídeo!  

                            

Cando rematamos de almorzar, accedimos a un espacio adicado ao mundo de DORA e os seus amiguiños; nesta área había diferentes actividades: crebacabezas xigante, debuxos de Dora para colorear, podíamos pintar con xiz na parede, movernos por estos espacios, tamén estaba a casa de Dora, vimos debuxos da propia serie, e xogamos no chan nunha especie de pantalla táctil xigante moi divertida...

Ademáis de pasalo moi ben! tamén nos quedamos moi abraidos co noso novo compañeiro FREDO, que é moi falador, pronto nos puxemos de leria con él e contounos de onde viña, como se chamaba o cole anterior, a súa familia... é o qué máis mediño nos deu foi a interpretación que fixo dos LEÓNS, ruxiu tan forte que  asustámonos todos! Estamos encantados coa nova chegada, por iso lle agasallamos un libriño de debuxos que fixemos entre todos/as.

BENVIDO FREDO!

Por último! contarvos que a semana pasada medrounos unha flor nova que se chama Mari Paz.

A vogal a, e moito máis díficil cas vogais i e u, ainda así estamos poñendo bastante interese e boa actitude a este novo trazo.

LUIS SEOANE NO BURGO

     

           

Como ben sabedes todos/as estamos investigando sobre LUIS SEOANE. Xa fai unhas cantas semanas  que comezamos, pero hoxe é a primeira vez que amosamos o que estamos facendo. Este vídeo serve para amosar a cantidade de materiais aportados polas familias para poder aprender sobre este pintor galego; son  numerosos os recursos que temos: láminas, libros, atril, pinceis, paletas de cores, bata de pintor, moita información escrita (de internet) impresa, fotografías... isto permitíunos crear un Recanto de Luis Seoane (de carácter temporal) para poder interactuar, xogar e manipular todos estes materiais.

Aprendimos algunhas cousas sobre él:

• Tiña gafas.
• Naceu en Bos Aires. Bos aires está en Arxentina e para ir ata alí fai falla desplazarse en barco u en avión.
• Gustáballe moito pintar con cores fortes e moi expresivas.
• Pintaba sobre todo mulleres (entre outras cousas).
• Tiña unha morea de cadros.
• Era moi polifacético dado que facía moitas cousas: era pintor, ceramista, poeta, grabador...
• E xa sabemos o nome dalgún cadro: O gaiteiro, A chambra branca, A árbore, As mariscadoras, Muller sentada, o Emigrante...
• Tamén sabemos que naceu en Bos Aires e que cando era neno, tornou a Galicia e instalouse en Arzúa (os seus pais eran de alí) máis tarde viviría na Coruña. E para lembrar que Luis Seoane cando era neno vivira en Arzúa, a nai de Antía Solla trouxonos a todos os nenos da clase queixo de Arzúa, e  marmelo que fixo a avoa Elisa  máis galletas e comimolo todo. Grazas a esta experiencia sempre nos lembraremos de Arzúa. Qué non nos creedes? pois mirade...

Pero... ainda nos quedan moitas cousas por descubrir!!

Para quen queira profundizar un pouco máis sobre Luis Seoane que saiba que a FUNDACIÓN LUIS SEOANE da CORUÑA inagurou unha nova mostra de Murais que amosa bocetos orixinais, fotografías de época, documentación de obras... esta exposición permanecerá aberta ao público ata o

16 de Xuño do 2013.

Lembrade que o Martes 13 de Novembro faremos a nosa 1ª SAÍDA, qué nervios! para ver a

DORA a EXPLORADORA.

ANIVERSARIOS

ESTA SEMANA TIVEMOS 2 CUMPREANOS



O noso compañeiro MARTÍN estivo de cumple o 31 de Outubro, pero como estivo enfermo non veu ao cole, e esta semana celebramolo con él, convidounos a todos a unhas bolsiñas de gusanitos, tamén cumpríu  ANTÍA, o 8 de Novembro, e trouxonos biscoito e chuches que fixeron na casa! gracias por compartires connosco o voso aniversario. Nós a cambio os agasallamos cuns libriños de debuxos e un colar de cumpreanos.

   

Ademáis Antía Solla esta semana tivo "dobre protagonismo", dado que nos trouxo a súa autobiografía, e contounos unhas cousiñas moi divertidas de ela, e amosounos o traballiño que fixo co seu pai.

Parabéns pequerrecha!

A próxima semana tocaralle a Hugo Vila contarnos cousiñas.