O MAGOSTO 2014

 

 

Aquí estamos unha vez màis... á mestra Sandra case olvidáselle amosarvos a "Festa do Magosto" que celebramos no cole, a principios do mes de Novembro.

Estou segura que os meus rapaces "xa fixeron a dixestión das castaniñas" por que pasou demasiado tempo... e o Nadal està á volta da esquina e na clase xa estamos elaborando cousiñas, facendo tarefas e manualidades relacionadas con estas festas tan entrañables para os máis pequenos.

 

Asi que... aquí vos amoso nestas fotiños o ben que o pasamos no Magosto
 co resto de compañeiros/as do Cole.

Celebrámolo no patio cuberto (tódalas aulas de infantil e primaria), tomamos castañas e leite e despois saímos ao patio dos maiores a facer xogos populares,
coma por exemplo o xogo da rá,... entre outros máis.

 

 

 

Aquí estamos todos/as preparados coas nosas coroas e cartóns de leite decorados, preparados para saír á festa. Algúns tiñan moita fame de comer castañas, outros prefiriron levar unhas poucas para compartir coas súas familias.

Xogamos un pouco aos diferentes xogos tradicionais, que aportou un mestre de
educación física de Secundaria.

 

O 11 de Novembro celebrase o SAN MARTIÑO e o noso refraneiro popular Galego dí:

 

"POLO SAN MARTIÑO, TROMPOS AO CAMIÑO" 

 

Memorizamos e recitamos o refrán na clase, para recitalo despois na casa ás nosasfamilias. Amoseilles no ordenador diversos trompos, buxainas ou peonzas. E conteilles que antigamente os rapaces xogaban moito con elas.

De recordo levamos un colgante de "buxaina cunha castaniña da festa do Magosto".

 

------------------------------------------------------------------------------------------------------

 

 

O 11 de Novembro, fixemos a nosa primeira saída deste curso. Estábamos un pouco nerviosos pero moi contentos por ir no bus. A profe asignounos por parellas e portámonos xenial. 

Vimos a obra constalacións baseada na obra de Joan Miró a cargo da compañía Aracaladanza, a continuación deixovos unhas imaxes-cadros deste pintor que foron representadas e reinterpretadas na representación teatral.

Os artistas da obra, representaron estas formas e deron vida a estes cadros...Se premedes no seguinte vídeo promocional poderedes observar o que viron os voso fillos/as.

 

  

 VÍDEO PROMOCIONAL COMPAÑÌA- AS CONSTELACIÓN DE JOÁN MIRÓ

 

 Xa pra rematar a entrada do blogue, neste vídeo podedes ver as nosas cariñas antes de chegar ao teatro cando íamos no bus.

 

 

 



1ª saída 2014- O FEAL- 4 ANOS on PhotoPeach

SAMAIN NO FEAL

Ola a todos/as de novo... Xa estamos aquí unha vez máis para contarvos o que fixemos nesta última quincena.

A verdade e que estivemos moi atarefados coas celebracións do Samaín e mailo Magosto: decoralos corredores, facer cogumelos, plástica de outono, pantasmas terrorifícos, cancións... Agora toca amosar os resultados finais, e observar o ben que o pasamos.

 

Colaboramos cos maiores nun mural moi especial, dun conto que nos gusta moito:

 

"Corre, corre, cabaciña".

Tamén lemos o conto na clase e visionamos o vídeo... Queredes escoitalo vos tamén? Premede no seguinte vídeo.

 

 

Está claro que o Samaín pode dar algo de medo, pero nós non tivemos ningún reparo en aprendernos unha canción de esqueletes moi divertida. No seguinte enlace podedes aprendela vós tamén, se queredes.

 

 

Levamos para casa as nosas antifaces de cabaza e a postal terrorífica de Samaín.

 

 

 

 

 

 

Para celebrar este día, as 3 aulas de infantil (3,4 e 5 anos) xuntámonos para baleirar a cabaza de Carla Hermida, debaixo das árbores do patio dos maiores. Foi moi divertido, na páxina web do cole hai un enlace onde se pode ver como o fixemos.

 

 ENLACES VÍDEO

http://www.youtube.com/watch?v=DkINT2WQVBw&feature=player_embedded
http://www.edu.xunta.es/centros/cpifeal/

 

Enchemos o "bandullo" comendo na clase castañas, noces e a deliciosa granada que trouxo Aitana Rúa e tamén experimentamos e observamos, ademáis de xogar a "encestar" no "castañocesto" que temos na clase, a verdade e que a puntería non era moi boa... tamén fixemos series con ditos froitos.

Como ben sabedes, as tarefas plásticas gustános moito, e nas seguintes imaxes podedes vernos en acción, pintando a nosa setiña, que levamos para casa polo Magosto.

ESTE FOI O RESULTADO FINAL.... espero que vos gustasen! "Son venenosas!" Dixo un neno na clase, "Por que son rojas y con puntos blancos de veneno".... ja ja

E pouco a pouco imos collendo o gusto á pintura e imos facendo moito mellor as tarefas plásticas, como se pode observar.

 

 

 

Para rematar, amosovos neste vídeo como baleiramos a cabaza da profe, na clase. As fotiños quedaron torcidas... Ainda así, espero que vos guste! 

 

samain 2014- o feal on PhotoPeach