OS ÓRGANOS INTERNOS

Ola a todos/as de novo! Comezamos o 3º trimestre, esta semana foi de adaptación: algúns viñamos cansos, outros con sono (o cambio do horario notouse), o tempo, cansanzo, irritabilidade... pero hoxe venres a cousa volveu á normalidade de sempre... de feito estivemos enredando!

 

A verdade é que non somos doutores pero hoxe na clase, durante unhas horas o fomos, claro está! Doutores de 4 aniños, non sí? Estivemos investigando como é o noso corpo por dentro.

Aldara fai un tempo trouxonos unha lámina do aparato dixestivo (tamén temos libros) e istos materiais espertaron a nosa curiosidade, e así xurdíu a actividade de hoxe:

 

Primeiro fixemos a silueta corporal dun compañeiro, neste caso foi a de Noa, despois algúns fomos perfilando co rotulador e os outros decidiamos que órganos íamos poñer no noso mural.

 

A continuación misturamos pintura branca cunha pinga de vermello e obtivemos a cor carne, en diferentes quendas fomos pintando todo o corpo.

 

Para que o traballo de grupo fose moito máis doado de entender e comprender, tamén o fixemos a nivel individual.

Despois a profe escribíu no encerado o que tiña que facer cada neno/a e os pasos que tiñamos que seguir para completar o mural.

Por exemplo: Ceci recortou o corazón despois deullo a Hugo Vila o cal tivo que colocar na silueta , Raúl escribiu a palabra corazón e Tiago pegouna.

 Favorecendo así o traballo en cadea e o traballo cooperativo! Saíunos moi ben!

 

Colocamos o cerebro, o esófago, estómago,corazón, fígado e unhas tripas moi divertidas! as cales simulaban ser o intestino delgado e groso! Sabedes que as tripas miden varios metros? algo así como entre 6 e 8 metros! ou máis... para os nenos de 4 anos resultanos complexo asimilar que toda esa lonxitude colla no noso corpo!

Pegamos alimentos que entraban pola boca, baixaban polo esófago e despois puxemos un montón de pegatinas de comida no estómago.

 Iván, Raúl, Aita e Aldara, adicáronse a facer as veas (cor vermella) e as arterias (azuis) por todo o corpo, todas saían dende o corazón.

Ao final, tamén puxémoslle uns pulmóns (que Hugo Marín diseñou) e ata pegamos uns gomets verdes e amarelos que simulaban ser os mocos que despois sairían polo nariz. 

 

Espero que vos gustase! esta é a nosa perspectiva do aparato dixestivo e outros órganos internos!

 

Aquí vos deixo este vídeo por se queredes profundizar un pouquiño máis nos contidos! 

 

Ata á próxima!